Lade Veranstaltungen
Diese Veranstaltung hat bereits stattgefunden.

Em Schlösslebräu en Sulzbach an dr Murr. Einlass ab 17.00 Uhr, mir fangat aber erscht om 18.30 mit m Programm a, damit d Gäscht scho mal gessa ond tronka hen ond nemme so arg dromrombedient wird. Desmal mit Wolfgang Wulz, der Schwäbische Neckereien om Backnang aus seim Buch „Lohkästräppler, Henderwäldler ond Schnitzhäfe“ vortragen wird. Der macht des bodaguad ond saumäßig ondrhaltsam – Ihr schmeißat Eich weg! I werd meine schwäbische Liedla drvor, zwischanei ond hendrdrei senga. Drzu begleit i mi mit dr Ukulele ond dr Quietschkommode, vielleicht au no drzu mit meiner omhäkelda E-Gitarre. Ond wie emmer senga mr zom Abschluss a baar Liedla mitnandr. Die „Alte Schachteln“ werdat au wieder dabeisei ond wärend m Essa ond zom Ausklang bekannte Oldies spiela uff ned umhäkelter E-Gitarre, Keyboard, Saxophon ond ihre Kehlköpf. I frei me wie d Sau uff den Abend ond nadierlich ganz bsonders uff Eich!