Lade Veranstaltungen

I spiel wieder mal em Renitenztheater (vor 5 Jahr mit dr Neuen Museumsgesellschaft) en Stuttgart. I woiß, mr sagt „Sturgart“, aber s sollat ja au die Reigschmeckte komma, dass s schee voll wird, obwohl, i denk, dass i a Heimspiel han. I ben ja en Sturgart gebora ond uffgwachsa, han dort erfolgreich dr Kendrgarda en dr Reinsburgstrass, d Schickhardt-Grundschul ond s Mörikegymnasium bsucht, han dort studiert ond mein Referendarsdienst em St. Agnes-Gymnasium  gmacht ond ben dann bloß dr Liebe wega wegzoga, hab aber mei Liebe zu Sturgart nie vrlora. Ach so ja, beim SWR hab i 11 Jahr lang jede Woche en dr Radio-Sendung „Blitzableiter“ mitgmacht. Wer Sehnsucht hat nach meine damalige Figura, dr Berta Fleischle, Yvonne Fleischle, Baby Fleischle ond Frau Dr. Grübele-Schellenberger, der darf gern en mei neues Programm „Selber!“ komma. Frau Dr. Grübele-Schellenberger isch übrigens dr Alias-Nama für die Witwe Fleischle. Sie geniert sich halt für ihr Verwandtschaft, für die „thirteen shades of Fleischles“.

I frei me uff Eich, ond gell, i merk mr jede ond jeden, wo ned da isch!

Kalender präsentiert von The Events Calendar