Lade Veranstaltungen
Diese Veranstaltung hat bereits stattgefunden.

 

I spiel wieder mal em Renitenztheater – vor 6 Jahr z letschtmal mit dr Neuen Museumsgesellschaft – en Stuttgart. I woiß, mr sagt „Sturgart“, aber s sollat ja au die Reigschmeckte vrstanda und komma. I ben en Sturgart gebora ond uffgwachsa, han dort erfolgreich dr Kendrgarda en dr Reinsburgstrass bei dr Dande Traudl, d Schickhardt-Grundschul ond s Mörikegymnasium bsucht, han dort studiert ond mein Referendarsdienst em St. Agnes-Gymnasium  gmacht ond ben dann bloß dr Liebe wega wegzoga, hab aber mei Liebe zu Sturgart nie vrlora. Ach so ja, beim SWR hab i 11 Jahr lang fascht jede Woche en dr Radio-Sendung „Blitzableiter“ mitgmacht. Wer Sehnsucht hat nach meine damalige Figura, dr Berta Fleischle, Yvonne Fleischle, Baby Fleischle ond Frau Dr. Grübele-Schellenberger, der darf gern en mei neues Programm „Fifteen Shades of Fleischles“ komma. Frau Dr. Grübele-Schellenberger hat übrigens wieder gheiratet, einen Fleischle, der hat s aber ned lang ausghalta, und seither isch se eba die Witwe Fleischle.

Ach so, ja: Bei mir muss niemand aus m Publikum mitmacha. Ihr könnat also ganz entspannt in die vordere Reiha sitza ond genießa!

I frei me uff Eich, ond gell, i merk mr jede ond jeden, wo ned da isch!

 

 

Kalender präsentiert von The Events Calendar